«المهم مصر تعيش مش لازم تكون معايا أنا».. الرئيس السيسي: بقاء الدولة ده الأهم
أكد الرئيس عبد الفتاح السيسي أن بقاء الدولة المصرية واستمرارها هو المعيار الأهم لدى كل من يخلص لوطنه، بغض النظر عمن يتولى إدارة شؤونها، مشددا على أن مصلحة الدولة والحفاظ عليها تأتي في المقام الأول.
وقال الرئيس السيسي: «من الأفضل أن تتحمل أي جماعة أو تيار مسؤولية الحكم وفق إرادة الشعب على أن تتعرض الدولة لخطر الضياع أو الانهيار.. المعيار الأهم لدى كل من يخلص لوطنه هو بقاء الدولة بغض النظر عمن يتولى إدارة شؤونها».
وأضاف الرئيس السيسي: «المهم مصر تعيش مش لازم تكون معايا أنا المهم البلد دي تفضل».
وتابع الرئيس السيسي: «هو ينفع حد بيفهم عايز يمسك البلد يخليها تعمل مظاهرات سنة ونص لحد ما يجبيها على الأرض وبعدين يمسكها طب هتعمل إيه في اللي عملته.. احتياطي البنك المركزي هخلص والوقود أصبح على الأرض والسياحة تراجعت».
وأكد الرئيس السيسي أن بناء الدولة أمر مستمر ولن ينتهي، موضحا أن التحديات التي تواجه الدول لا تتوقف عند مرحلة معينة، وأن الأزمات الاقتصادية المتعلقة بالأكل والشرب والاقتصاد ستأخذ وقتها وتعدي.
وقال الرئيس السيسي: «هتقولوا كل كلامك عن الإصلاح الاقتصادي؟ هقول أه لأن مفيش تحدي غير ده.. الأكل والشرب والاقتصاد مسائل هتاخد وقتها وهتعدي لكن تحديات الدول مش بتنتهي».
وأشار الرئيس السيسي إلى أن الحفاظ على الدولة مسؤولية جميع المصريين، وليس الرئيس أو الوزراء فقط، قائلا: «اوعى حد يفتكر إن البلد هتقوم بالرئيس والوزراء، لا هتقوم بك بني آدم ماشي في الشارع».
كما وجه الرئيس السيسي نداء إلى المصريين للحفاظ على الدولة، قائلا: «خلوا بالكم من بلدكم مش مني»، مضيفا: «لو استسلمنا للخراب تاني والله المرة دي البلد مش هتقوم تاني والله ربنا جبر بخاطر المصريين في 2011 ورحمهم من الشر اللي قابل الدول الأخرى».
واختتم الرئيس السيسي حديثه بالتأكيد على أهمية حماية الدولة المصرية، قائلا: «حصنوا بلدكم ضد المؤامرة حصنوا مصر وحافظوا عليها.. وأنا بأكد على التحصين لأن في كلام كتير بنقوله وفي كلام كتير جدا مش بنقوله لأسباب كتير».
