ضحية حادث يحكي التفاصيل: «اتأذيت لكن مسامحه».. وتحطم دراجة دليفري في واقعة غريبة
في بادرة غير مسبوقة، أطلق شاب يدعى إسلام يوسف، نداء عبر صفحته الشخصية على مواقع التواصل الاجتماعي للبحث عن عامل توصيل “دليفري”، لتعويضه رغم تسبب الأخير في حادث تصادم كان أحد أطرافها إسلام وصديقه.
حادث اصطدام بعامل دليفري
وقال إسلام خلال مقطع فيديو، إنه تعرض لحادث سير صعب هو وصديقه، واصطدموا بعامل دليفري، ومن شدة الاصطدام تعرض الجزء الأمامي من دراجته للكسر.
وأضاف إسلام خلال المقطع: “كان ماشي عكس ومخطئ، واتأذيت في رجلي وضهري، وصديقي كمان اتأذى وروحنا المستشفى.. كل اللي شاغلني لما خرجت، الراجل ومصدر رزقه، ويشهد الله إني نفسي أوصل للراجل ده، العجلة بالنسبة له أكل عيشه، وممكن تكون الحاجة الوحيدة اللي بيشتغل بيها ويصرف منها على بيته”.
منح عجلة لضحية الحادث
وتابع: “عاوز أديله العجلة بتاعتي يشتغل عليها.. أنا مسامحه ومش عايز حاجة، أنا بدور عليه عشان أطمن عليه وأساعده مش عشان ألومه ولا أخد حقي منه، نفسي أوصل له وأقوله أنا مسامحك، وربنا يعوضك، وخد العجلة بتاعتي اشتغل بيها”.