«إزاي تقولي لمسؤول كده؟».. ريهام سعيد تعلق على واقعة مدرسة القليوبية
علقت الإعلامية ريهام سعيد على واقعة مديرة المدرسة ومحافظ القليوبية، منتقدة طريقة عرض الموقف أمام الكاميرات، مؤكدة أن المشهد بالكامل لم يكن مناسبا، رغم إشارتها إلى أن مديرة المدرسة «موظفة جميلة ومجتهدة وكل حاجة».
وقالت ريهام سعيد في تصريحات إعلامية، إن الفيديو الذي عرض الواقعة يمثل «مهزلة»، منتقدة ما وصفته بوقوف مديرة المدرسة أمام المسؤول وكاميرات التصوير للحديث عن الأموال التي أنفقتها من حسابها الشخصي على المدرسة.
وأوضحت: «يعني أنا النهارده ييجي موبايل كده يصورني، فأقف مع أستاذ عليك تحكي ملك النهار، حتى لو كان حقيقي أقوله بقولك أنا اللي جايبة الترابيزة دي، وأنا اللي جايبة الكرسي ده، وأنا اللي مكلفة الستوديو ده، وأنا اللي بصرف على القناة، إيه ده؟».
وأضافت أن مديرة المدرسة كانت تعلم أن هناك تصويرا، كما كانت تعلم أن الزيارة رسمية، قائلة: «شحالك بتصوري وعارفة إنك بتصوري، وعارفة إنها زيارة رسمية».
وتابعت: «عايزة تقولي الكلام ده في مكتب، في مذكرة، في ورقة، في ريبورت، في تقرير، ماشي، لكن انتي واقفة قدام كاميرات، واقفة قدام مسؤول في الدولة، بتقولي أنا عملت ده من حسابي، وده عملت ده من حسابي، ما يصحش».
وأكدت ريهام سعيد أن موقف مديرة المدرسة، حتى لو كان ما ذكرته صحيحا، كان يستحق التقدير، لكنها رأت أن طريقة طرح الأمر أمام الكاميرات لم تكن مناسبة، قائلة: «على فكرة حتى لو حقيقي انتي مشكورة، بس ما يصحش، ما يصحش يتقال كده».
وفي الوقت نفسه، انتقدت ريهام سعيد رد المسؤول على مديرة المدرسة، قائلة: «وهو كان لازم يرد يقول كده، ولكن غلط برضه، غلط برضه لما قالها النظافة وإحنا كذا».
وشددت على ضرورة وجود متحدث لكل مسؤول، موضحة: «أنا شايفة إن كل مسؤول لازم يحطه متحدث عنه، لأنه مش أي حد بيعرف أو عنده موهبة اللباقة أو الكلام».
وانتقدت كذلك ما وصفته ب«الموضة الجديدة» الخاصة بتصوير المسؤولين لزياراتهم الميدانية، قائلة إنها شاهدت فيديوهات لمسؤولين خلال زياراتهم وهم يوجهون العاملين أمام الكاميرات، متسائلة: «انت بتصور ليه؟ وجاي بتهزق المدرسة ليه، أو المسؤول ليه، أو الموظف ليه قدام الناس؟ عشان تقول إنك نزلت؟».
وأضافت: «لا، انت مفروض إنك تنزل من غير ما تصور نفسك، لأنه برضه مش صح إنك تقف توبخ الموظف قدام الناس».
ورأت ريهام سعيد أن الخطأ كان من الطرفين، قائلة: «فهي غلط من الاثنين، لكن حياتك ابتديت بالغلط، ما ينفعش حياتك تقف في قدام محافظ تقولي له أنا بصرف من جيبي».
مش حقيقي
وتطرقت إلى ما لبان رسمي، أوضح فيه المحافظ أن ما قيل بشأن إنفاق مديرة المدرسة من أموالها الشخصية «مش حقيقي»، وأن الأموال التي صرفت على المدرسة جاءت من مقاول.
وشرحت ما ورد إليها بشأن المقاول، قائلة: «المقاول كان فيه جزء من المدرسة هيتم إزالة، فالمقاول بيدخل يزيل المبنى ده وياخد بقى الحديد والرملة والراتش ومش عارف إيه، بيشتريهم ويديها الفلوس، هي أخدت الفلوس دي كده صرفت بيها المدرسة».
وأكدت أن مديرة المدرسة في رأيها «موظفة جميلة ومجتهدة وكل حاجة»، لكنها عادت للتأكيد على أن «الموقف كله غلط».
وفي ختام حديثها، وجهت ريهام سعيد رسالة إلى المسؤولين بشأن تصوير الزيارات الميدانية، قائلة: «أنا بطلب بجد من السادة المسؤولين إن لو سمحتوا ما تصوروش الكلام ده، ما تصوروش زياراتكم الميدانية، ما تصوروش الحاجات دي لما تكون رايح تحاسب حد».
وأضافت: «لكن لو بتفتحوا حاجة فرحونا، لو بتورونا إنجاز، زيارات عشان كلنا يبقى عندنا أمل في بلدنا الجميلة اللي بتتقدم بطريقة رهيبة».
واختتمت قائلة: «مفيش داعي إنك تصورها، مفيش داعي إنك تصور الغلطات، مفيش داعي إنك توبخ الموظف قدام الناس، وحضرتك برضه مفيش داعي إنك تقولي المسؤول في الدولة إن انت بتصرفي من جيبك، عيب، ما كانش صح».
وأشارت في النهاية إلى أن الحقيقة بشأن مصدر الأموال «الله أعلم الحقيقة فين»، لكنها شددت على أن «الموقف كله والمشهد كله مش لطيف».