• الرئيسية
• أخبار مصر

قررت جهات التحقيق المختصة تجديد حبس إسماعيل دولار واثنين آخرين 15 يوما على ذمة التحقيقات في واقعة المشاجرة التي شهدتها منطقة الكافيهات في المقطم، على خلفية خلافات بشأن القيمة الإيجارية.

تجديد حبس إسماعيل دولار وآخرين في واقعة مشاجرة المقطم 15 يوما على ذمة التحقيقات

وكشفت التحقيقات في القضية المتهم فيها إسماعيل دولار وآخرين، في واقعة المشاجرة التي شهدتها منطقة الكافيهات بالمقطم، على خلفية خلافات بشأن القيمة الإيجارية، عن تفاصيل جديدة للواقعة.

وجاءت أقوال إسماعيل دولار خلال التحقيقات على النحو التالي:

س: من وما الذي حدث إذًا، وما ظروف ضبطك وإحضارك وعرضك علينا؟

ج: اللي حصل إنه جالي اتصال من ب.م.م.س، رئيس مجلس إدارة إحدى شركات الدعاية والإعلان، يوم 23-8-2026 حوالي الساعة 3:30 مساءً، وقال لي إن عنده مشاكل في المجمع التجاري بتاعه، وإن المستأجرين ما بيدفعوش الإيجار وعاملين فرضة عليه، وإن الأمن عنده قليل، وهو مردود الأمن علشان لما يقطع الكهرباء عنهم بيرجعوها تاني، وطلب مني أعمل معاينة للمكان علشان أقول على التشكيلة المفروض يزود فيها الحراسة.

والمفروض كنت أروح الشركة أعمل المعاينة دي، وإن واحد من اللي محتاج كام واحد بتوع أمن من عنده الخاصين بشركته، برده علشان محدش يلعب في محول الكهرباء بتاعه.

فأنا رحت هناك، وصلت حوالي الساعة 4:30 مساءً، وتوجهت ووقفت عند ماكينة الصراف الآلي اللي هناك، وكلمت ب، وهو قالي إن المتهم ص.ح.ع.ا، المفروض إنه مدير التشغيل هناك، وبعدها اتقابلنا مع بعض وحكينا مشاكل المكان، وجالنا المتهم إ.ع.ا.م.ا، وإحنا بنتكلم جالنا فرد الأمن قال لنا إن المستأجرين كسروا القفل وركبوا قفل جديد، فـ "إ" قال لنا هروح أشوف الموضوع إيه، وأنا كنت ساعتها قاعد مع مدير المالية، وفرد من الحسابات، والمدير العام.

وبعد عشر دقايق جالنا فرد الأمن وقال لنا إن المستأجرين ماسكين في “إ” فرحنا هناك، قلت لهم: يا جماعة أي حاجة في الدنيا تتحل، وقلت لـ “إ” يشغل الكهرباء، علشان أشوف الدنيا فيها إيه، وبعدها لسه هنقعد كلنا مع بعض نحل الموضوع، الحكومة دخلت علينا بدون أي سبب، وجابونا على هنا.