«خمسة دلع».. أحمد شيبة يفاجئ جمهوره بعمل غنائي مع نجله يوسف
طرح الفنان أحمد شيبة، أحدث أعماله الغنائية بعنوان «خمسة دلع»، بالتعاون مع نجله يوسف شيبة، في أول تجربة غنائية تجمعهما معًا، عبر موقع الفديوهات الشهير «يوتيوب».
طرح أغنية خمسة دلع
أغنية «خمسة دلع» من كلمات خالد جمال، وألحان مصطفى مجدي، وتوزيع سيدو، بينما تولى المونتاج ممدوح مزيكا وكريم مزيكا، وتم تسجيل الأغنية داخل شركة باور ميوزيك.
وتعد الأغنية أول تعاون غنائي بين أحمد شيبة ونجله يوسف شيبة، في خطوة جديدة تجمعهما فنيًا وتكشف عن استمرار يوسف في مشواره الغنائي إلى جانب والده.
وتدور كلمات الأغنية في إطار من البهجة والاحتفال، حيث تدعو إلى نسيان الهموم والابتعاد عن الحزن والضغوط، والاستمتاع بالأوقات السعيدة، وذلك من خلال كلمات خفيفة تحمل طابعًا شعبيًا.
وتأتي كلمات الأغنية كالتالي:
فيها اي لو ننسي الهم ومنفكرش فيه
فيها اي لو ننبسط شويه هيحصل اي
والي يعكر مزاجنا ملناش دعوه بيه
اي الي يحصل طب هناخد منها اي
ونعيش بقا خمسه دلع
مكفايا تعبنا كتير يا جدع
السهره جميله والصبح طلع
خلينا شويه كمان قاعدين
ونودي وننسي بقا
مكفايا كتير اوي شفنا شقي
كل الي جي علي شبرقه
عاودين نعلي الادرنالين
علي اي نزعل نشيل ونفكر في الي فات
الجو هادي وجميل واخر حلويات
مش عايزين حزن تاني مكفايا زعل وعياط
عايزين جرعه سعاده مع حبه انبساط
هعيش لنفسي ومش هعمل للناس حساب
ولو الدنيا بتولع انا قاعد اشرب عناب
انا مش عايز صداع عايز هدوء اعصاب
هبعد عن اي حد يجبلي اكتئاب.