شاب يتعرض لمحاولة ابتزاز بعد اتهام كاذب من 3 فتيات في شارع منصور
تعرض أحد الشباب لمحاولة ابتزاز بعد اتهام كاذب من 3 فتيات في شارع منصور قائلا: كنت راجع من شغلي النهاردة وكنت معدي من شارع منصور، وكان هدفي أصلح تليفوني عند محل الجندي للصيانة، قدام قهوة دهب، وفجأة اتفاجأت بثلاث بنات جايين ناحية، وبدوا يطلعوا تليفوناتهم ويصوروني بدون أي سبب، واحدة فيهم صاحت عليا وقالت إني بتحرش بيها، وده كان شيء مفاجئ وغير صحيح بالمرة.
وتابع خلال منشوره على صفحته الشخصية على مواقع التواصل الاجتماعي فيسبوك: الحمد لله، كان فيه كاميرات في المكان وثّقت كل شيء، ووضحت الحقيقة بالكامل. الموضوع ده مش مجرد موقف شخصي، لأن البنات دول كانوا بيحاولوا يبتزوني عشان أتنازل عن قضية كنت رفعتها ضد أبو وأخو واحدة منهم، بعد ما تعدوا عليا وعوروني سابقًا، والحمد لله أنا أخدت أحكام قضائية تثبت حقي.
وأكد انه جاري اتخاذ كل الإجراءات القانونية ضدهم، لضمان حقوقي ومنع أي محاولة ابتزاز أو اتهام كاذب تاني. أناشد كل الناس رؤية الحقيقة من خلال كاميرات المراقبة وفهم الموقف قبل إصدار أي حكم، وده مش أول مرة يتعرض لي موقف زي ده من نفس الأشخاص.