تيسير فهمي تعلن عودتها بعد 13 عامًا من التوقف: أنا مش لاعبة كرة

أعلنت الفنانة تيسير فهمي عن عودتها إلى الوسط الفني بعد فترة توقف امتدت 13 عامًا، مؤكدة أنها ستعود في حال عرض عليها عمل فني يليق بتاريخها ومسيرتها.

وقالت تيسير فهمي، خلال لقاء مع الإعلامي عمرو الليثي في برنامج "واحد من الناس": "يمكن التوقف كان قرار، لكن الرجوع مش قرار في إيدي.. الدنيا اتغيرت، ولو اتعرض عليا عمل قيم مناسب ليا ولـ سني، أنا ممثلة مش لاعيبة كرة، مش هعتزل يبقى مش هقدر أقوم تاني".

وكشفت الفنانة تفاصيل غيابها الطويل، قائلة إنها لم تستطع تفسير مرور السنوات بسرعة، مضيفة: "بعدت عن الفن 13 سنة، وسبب البعد ده سؤال أنا مش عارفة أجاوب عليه.. لما بقعد أفتكر وبقول إزاي بقوا 13 سنة، ومعرفتش أرجع، السنين جريت فعلًا".

وأوضحت تيسير فهمي أن حياتها خلال تلك الفترة اتجهت نحو العمل الاجتماعي والجمعيات الخيرية، مؤكدة أن خدمة الناس استهلكت جزءًا كبيرًا من وقتها وجهدها: "كنت مقررة أعمل محطة توقف وفجأة لقيت السنين جريت وبقوا 13 سنة.. الدنيا خدتني، خدمة الناس محتاجة وقت وجهد".