عاجل.. «فتحت له صباعه بشفرة وش».. فتاة تروي تفاصيل تعرضها للتحرش في ميكروباص طنطا المحلة
روت فتاة تفاصيل واقعة تحرش قالت إنها تعرضت لها أثناء استقلالها سيارة ميكروباص متجهة من مدينة طنطا إلى مدينة المحلة الكبرى بمحافظة الغربية، مشيرة إلى أنها اضطرت للدفاع عن نفسها باستخدام شفرة حلاقة كانت تحتفظ بها داخل حقيبتها، بعدما فوجئت بمحاولة أحد الركاب لمس جسدها خلال الرحلة.
وأثارت رواية الفتاة، التي نشرتها عبر حساب على موقع التواصل الاجتماعي فيسبوك، تساؤلات بشأن المواقف التي قد تتعرض لها الفتيات أثناء استخدام وسائل المواصلات العامة، ومدى قدرتهن على التصرف عند مواجهة مثل هذه الوقائع، خاصة في حالة الشعور بالخوف أو عدم وجود من يقدم المساعدة.
تفاصيل واقعة التحرش داخل ميكروباص طنطا المحلة
أول مرة أتعرض للتحرش في حياتي النهاردة كنت راكبة مكروباص من طنطا للمحلة من ساعة وقاعدة علي الكنبة مش كرسي قلاب ،أول ما إتحركنا لقيته عمال يحاول يلمسني وأنا مش مدية خوانة إن الكنبة ممكن تكون مفتوحة ورايا، جسمي تلج وقولت هتصرف إزاي أنا لوحدي ولحسن حظه كان معايا شفرة للوش في شنطتي
لقيتني مترددتش ثانية إني أفتح شنطتي بالراحة وقفشت فيه وفتحتله صابعه بالشفرة وقومت مزعقه قولت للسواق نزلني هنا ونزلت شبشير قرية جمب طنطا فضلت أجري علشان معرفش أعمل إيه غير كده ده اللي فكرت فيه وهو فضل يصرخ ويقولي كلام مش كويس والناس قبل ما تفهم حصل إيه كنت إختفيت
عمر ما كنت هعرف آخد حقي غير بالطريقة دي لأني كنت لوحدي ولو كنت صرخت وزعقت فيه محدش من الناس اللي راكبة معايا كان هيهتم بالعكس دا كان ممكن يغلطوني أنا!وسمعت مواقف كتيرة إن ممكن يطلعوكي إنتي الشخص السئ اللي بيتهم شخص برئ
