• الرئيسية
• رياضة

حذر الإعلامي عمرو أديب، من بيع لاعب الزمالك البرازيلي خوان بيزيرا ثم انتقاله للأهلي المصري بطريقة ما.

وتساءل عمرو أديب خلال برنامجه «الحكاية» عبر شاشة «mbc مصر»، مساء الاثنين، عن الضمانات التي حصل عليها نادي الزمالك حتى لا يكون رحيل اللاعب للفريق خطوة انتقالية قبل أن ينضم للنادي الأهلي، معقبا: «هو ليه بيحصل معانا كده.. ليه كل مرة معانا كده».

وتابع: «لا أدين شطارة الأهلي إنه عِرف يجيب إمام عاشور أو غيره.. الأهلي معاه إمكانيات مادية.. إحنا عندنا مشكلات مالية لكن الأهلي بيدخل ياخد اللاعب بفلوسه».

الزمالك مش هينفع يفضل كوبري طول الوقت

وتابع عمرو أديب : «الزمالك مش هينفع يفضل كوبري طول الوقت.. مجلس الإدارة لازم يتدخل ويهد الكباري دي كلها».

وأكد أنه صرح منذ البداية بأن هناك من يلعب في عقل اللاعب البرازيلي، معقبا: «يبدو إن فيه حد ضحك على بيزيرا».

وأضاف أن رحيل اللاعب البرازيلي عن صفوف الزمالك سيكون بمثابة خسارة فنية كبيرة للنادي الأبيض، قياسًا بما قدمه اللاعب في الفترات الماضية.

ورفض أديب، فكرة بيع اللاعب من أجل سداد الالتزامات المالية على الزمالك، وقال: «الفلوس مش كل حاجة.. لو كده نبيع الفرقة كلها ولا النادي كله علشان نسدد الفلوس اللي علينا».