”بيبلغ عن نفسه”.. تامر أمين يهاجم صاحب فيديو خلع زجاج نافذة أحد القطارات
هاجم الإعلامي تامر أمين صاحب فيديو خلع زجاج نافذة أحد القطارات اعتراضا على ارتفاع سعر التذكرة، بحسب زعم صاحب الفيديو، واصفا الواقعة بالجريمة مكتملة الأركان.
واعتبر تامر أمين خلال برنامجه "آخر النهار" على فضائية “النهار” أن الدافع وراء الواقعة ثم تصويرها هو الهوس بالتريند، قائلا: "مواطن راكب قطر وبدون أي سبب، فجأة نلاقيه بيشيل اللوح الإزاز بتاع شباك القطر، وهو اللي مصور نفسه بنفسه، يعني بيقدّم دليل إدانته على طبق من ذهب للجهات الأمنية! ولما نسأل ليه بتعمل كده يا عم الحاج؟ يقولك أصل التذكرة غالية
حد يبلغ عن نفسه كده؟
وعقب «هوس الترند جنّن الناس لدرجة إن الواحد بقى يعمل حاجات لو فكر فيها ثانية واحدة بالعقل هيقول يا نهار أسود إيه اللي أنا عملته ده! حد يبلغ عن نفسه كده؟ حد يرمي نفسه في التهلكة كده؟».
وأكد تامر أمين على أن ما حدث ليس مجرد سلوك فردي أو محتوى للترفيه، بل هو جريمة مكتملة الأركان، قائلًا: «دي جريمة إتلاف ممتلكات عامة، القطر ده مش ملكك ولا ملكي، ده ملكنا كلنا ومن حق الناس تستخدمه، مش تخلع الإزاز وتاخده في جيبك وتمشي. الغريب إنه بعد ما عمل كده راح البيت ونزل الفيديو على حسابه على السوشيال ميديا، يعني واحد بيبلّغ عن نفسه بنفسه!».