• الرئيسية
• فن

أعرب الفنان محمد فراج عن سعادته بالنجاح الكبير الذي حققته حكاية لعبة جهنم، التي جاءت كأولى حكايات مسلسل القصة الكاملة من إنتاج مجدي الهواري.

وشارك محمد فراج متابعيه عبر صفحته الرسمية على فيسبوك، صورًا من كواليس تصوير لعبة جهنم، موجهًا الشكر للجمهور على حبه ودعمه للعمل، كما وجه الشكر لكل القائمين على المشروع.

وكتب فراج : "مش عارف أبدأ منين غير بشكر كبير جدًا على كل الحب، وردود الفعل اللي وصلتني من وقت ما لعبة جهنم اتعرض، ممتن جدًا إني كنت جزء من رحلة حبيتها وآمنت بيها من أول يوم ، اشتغلت على الشخصية دي من قلبي، وأجمل حاجة لأي ممثل إن تعبه يوصل للناس بالشكل ده ".

وتابع : "شكرًا لكل رسالة وكومنت ولكل حد اتفرج وعاش معانا الحكاية، الحب وصلنى وفرق معايا جداًا، وشكر كبير لكل زمايلي ولكل فرد في الكرو قدام الكاميرا ووراها، كنت محظوظ إني وسطكم ".

محمد فراج في مسلسل لعبة جهنممحمد فراج في مسلسل لعبة جهنممحمد فراج في مسلسل لعبة جهنممحمد فراج في مسلسل لعبة جهنممحمد فراج في مسلسل لعبة جهنممحمد فراج في مسلسل لعبة جهنممحمد فراج في مسلسل لعبة جهنم

وأضاف محمد فراج : "وشكر خاص للأستاذة دنيا عبدالمعبود على فكرة تحويل القصة الكاملة من حكايات جرائم حقيقية على يوتيوب لعمل درامي، والفضل ليها فى لوك الشخصية إنه يظهر بالشكل اللي شوفتوه ده، ولأستاذ سامح سند صاحب القصة الكاملة وصاحب فكرة تقديم وتوثيق الحكايات دي، ولأستاذ مجدي الهواري منتج المشروع اللي تحمس للفكرة وتبناها لحد ما بقت حقيقة".

وواصل : "وبشكر من كل قلبي الأستاذ عمرو عبدالله على شغل الـ SFX ، هو والفريق بتاعه اللي بشطارتهم ومجهودهم عملوا فرق كبير في شكل الشخصية ومكياچها، علشان تطلع بالشكل اللي شوفتوه، وده بالنسبالي كان جزء أساسي من الشخصية ومعايشتى ليها ".

وأردف : "وشكر كبير لأستاذ إسلام خيري المخرج والأستاذة نجلاء الحديني المؤلفة وأستاذ أحمد جبر مدير التصوير، اللي قدروا يحولوا الفكرة لعمل درامي يوصلكم بالشكل ده".

وأكمل فراج : "وطبعًا شكر كبير لـ MBC_Shahidالبيت اللي احتضن المسلسل، ووصله للجمهور في كل أنحاء الوطن العربي".

واختتم محمد فراج : "فخور جدًا بالمسلسل وبكل حد كان جزء منه، وممتن لكل الحب اللي أخدناه منكم، الحمد لله ، وبالمناسبة أنا شايف كفايا سيكودراما لحد كده، المرة الجاية يا رومانسي يا كوميدي، ولا انتم مبسوطين بعذابي ده؟".

وقدمت حكاية لعبة جهنم معالجة درامية لقضية أصبحت من أبرز تحديات العصر الرقمي، وهي إساءة استخدام تقنيات الذكاء الاصطناعي في صناعة محتوى مفبرك واستغلاله في ابتزاز الضحايا، من خلال أحداث مستوحاة من جريمة حقيقية.

وتجمع الحكاية بين مصير الشيخ علاء، الذي يجسد شخصيته محمد فراج، والمراهق العبقري سليم، في أحداث تبدأ من العالم الافتراضي قبل أن يتسرب تأثيرها إلى الواقع.

حكاية لعبة جهنم، مكونة من 3 حلقات، بطولة محمد فراج، عمر رزيق، توانا الجوهري، منذر مهران، رندا إبراهيم، غادة طلعت، ياسر عزت، وكريمة منصور، والعمل تأليف نجلاء الحديني وإخراج إسلام خيري وإنتاج مجدي الهواري.