بدرية طلبة تتصدى لشائعة وفاتها.. إجراءات قانونية ضد مروج الخبر
أعربت الفنانة بدرية طلبة عن استيائها الشديد من الأنباء المتداولة حول وفاتها وخرجت عن صمتها لترد على الشائعات التي تداولها البعض خلال الساعات الماضية ، مؤكدة أنها أتخذت كافة الإجراءات القانونية ضد مروجي هذه الشائعات .
بدرية طلبة تتخذ الإجراءات ضد مروج شائعة وفاتها
وقالت بدرية طلبة في بث مباشر عبر صفحتها الشخصية على موقع التواصل الاجتماعي فيس بوك : عمتي هي اللي توفت أول امبارح، وهي كانت آخر فرع في شجرة العيلة والكبيرة، اللي بلجأ لها ، ربنا يرحمها ويغفرلها وشكرًا لكل اللي عزاني، لكن مش عارفة أقول إيه للناس اللي نزلت خبر غلط إني أنا اللي توفيت.
وأضافت : أنا بخير وحية أرزق، وشغالة وبمثل مسرحيتي وزي الفل، ليه الرعب ده وتخضوا عيالي وأحفادي وأصحابي عليا اهدوا شوية كلنا لها، لكن أنا كويسة.
وتابعت : أنا طلبت من اللي كتب خبر وفاتي يشيله ومسمعش الكلام وبيكابر علشان يجيب تفاعل ونسب مشاهدة عالية ، علشان كده أنا اتخذت الإجراءات القانونية ضده .
واختتمت: لما بنبلغ مباحث الإنترنت بيقعدوا يعيطوا ويقولوا آسفين، ليه تحط نفسك في موقف تتذل فيه عشان تريند، أنا طالعة بكل برود أعصاب أقول كفاية، وشكرًا لكل الناس اللي بتحبني.