سامو زين: اتاخد مني 20 أغنية.. وبقيت أسجلها قانونيًا قبل ما أشتغل عليها
كشف الفنان سامو زين عن تعرض عدد من أغانيه التي عمل على كلماتها وألحانها للطرح من جانب مطربين آخرين، موضحًا أنه اتخذ إجراءات جديدة لحماية أعماله، وأصبح يحرص على تسجيل الأغنية بشكل قانوني قبل البدء في العمل عليها.
وقال سامو زين، خلال لقائه مع «القاهرة 24»: «اتاخد مني 20 أغنية، وأجي أنزل أغنية ألاقيها خالصة تنازل، الدنيا اتغيرت أوي، وبقيت مغلق أكتر على نفسي وبقيت بخاف على اللي بقدمه لأني بقيت بعمل حاجة وألاقيها مع حد تاني».
وأضاف: «بشتغل على الأغنية واللحن وأغير جمل وأفكار وبعدين ألاقيها مع حد تاني ويقولوا معلش أصل حصل كذا، فأنا أقول مش نصيبي».
وأوضح سامو زين أنه قرر تغيير طريقته في التعامل مع الأغاني التي يعمل عليها، قائلًا: «أنا عديت كل الفنانين ووصلت لمرحلة أني أقول أنتوا مش شايفني لازم مبقاش ساكت يعني؟ كل فنان ليه احترام والصناع بيكون ليهم فكر ومصلحتهم ولكن متخلنيش أشتغل فيها وبعدين ألاقي الأغنية مش بتاعتي».
وتابع: «دلوقتي بقيت أقول آخد الأغنية وأسجلها وبعدين أشتغل فيها، بسمع الأغنية أقول ياه زي ما كنت عاملها بالظبط، وربنا يوفقهم».
سامو زين: مفيش حد نمبر وان.. سيب الجمهور يصدرك
وفي سياق آخر، سبق أن علق سامو زين على الجدل الدائر حول تصدر قائمة الأعلى استماعًا وتحقيق المركز الأول في الأغاني، مؤكدًا أن الجمهور هو صاحب الحكم الحقيقي على نجاح الفنان.
وقال: «مفيش حد نمبر وان دلوقتي ولا الأعلى استماعًا، أنت اعمل أغنية حلوة وسيب الجمهور اللي يصدرك».
وأضاف: «أسهل حاجة تعمل أرقام، ولكن صعب تستمر وتبقى في قلوب الناس، لأنك ما بنتش مع الناس من البداية».
وأكد سامو زين من خلال تصريحاته أن النجاح الحقيقي، من وجهة نظره، لا يرتبط فقط بتحقيق أرقام مرتفعة أو تصدر مؤقت لقوائم الاستماع، وإنما بقدرة الفنان على الاستمرار وبناء علاقة حقيقية مع الجمهور.