• الرئيسية
• أخبار مصر

نشرت فتاة تدعى سارة نبيل فيديو عبر حسابها في تطبيق تيك توك تستغيث فيه من شاب تحرش بها وحاول قتلها أثناء ركوبها ميكروباص في منطقة اللبيني فيصل بالجيزة. وقالت سارة إنها كادت أن تقتل على يد شخص حاول الاعتداء عليها جسديًا يوم السبت الماضي 14 فبراير 2026 في حوالي الساعة 10 مساءً في شارع اللبيني فيصل. وأوضحت الفتاة أن الواقعة بدأت عندما جلس شخص بجانبها في الميكروباص وبدأ بمضايقتها لفظيًا، رغم محاولتها التحدث معه بأدب واحترام لثنيه عن سلوكه المزعج، لكنه استمر في الإساءة لها. وأضافت الفتاة في الفيديو: «أنا هتكلم على حاجة حصلتلي يوم السبت 14-2-2026 كنت راجع من منطقة الليبيني فيصل الساعة 10 بالليل.. واللي حصل أنا كنت راكبة ميكروباص وبدأ الشخص اللي جنبي يضايقني بدأت ألفت نظره إنه هو بيدايقني وخبطني.. أنا كل ده بتكلم باحترام وبأدب مغلطتش في حد مجيتش جنب حد.. بدأ يدايقني ويشتمني بألفاظ  بشعة، فالسواق قعده جمبه قدام، وبعدها بدأ يشتمني ويعلي صوته وطلع سكينة من شنتطته ويقولي هدبحك وهوديكي لأمك نصين أنا هفصل راسك عن جسمك، والسواق طلب مننا احنا الإتنين ننزل من العربية مفكرش في لحظة إن أنا بنت ممكن أكون قد ولاده أو أي حاجة، لأ، هو كان عايز بس إن احنا ننزل طبعاً.. شفت السكينة وشفت إنه هو بيقرب عليّ وبيمسكني من هدومي والكلام ده طبعاً، أنا دخلت في حالة في عياط وصريخ.. الشاب اللي كان معانا في العربية ما تحركش نهائي جنبيّ وإنّي مفروض يعني أنا مش بقول لحد إن هو يدخل نفسه في خطر بس على الأقل اتكلم». وتابعت: «المفروض إنك لما تلاقي بنت تتعرض لخطر في الشارع تقف جنبها هو للأسف موقفش جنبي ما حدش كان واقف جنبي غير الست اللي كانت قاعدة جنبي وكان معاها طفلين فهي مفكرتش في الطفلين اللي معاها.. ربنا يجازيها خير كانت واقفة معايا، ولما جيت أنزل لقيت الشاب دا نزل شدني من هدومي وفي إيده تانية السكينة وبيحاول ينزلني الشارع وضربني بالسكينة.. صرخت ورجعت تاني العربية، وبدأنا نمشي وهو بيجري ورانا وكسر إزاز العربية اللي جنبي وحاول برضو يشدني من هدومي علشان يضربني بالسكينة».